GOAL нашри хабарига кўра, «Ливерпуль» «Торино»нинг марказий ҳимоячиси Глейсон Бремерни қўлга киритмоқчи.
Олдинроқ бразилиялик футболчига асосий давогар «Интер» эканлиги ҳақида маълумотлар пайдо бўлганди.
Бремер «Торино»га 2018 йилда «Атлетико Минейро»дан келиб қўшилган ва шу вақтдан буён клуб сафида 100 дан ортиқ ўйинда майдонга тушган. Футболчи 25 миллион еврога баҳоланмоқда ва «Торино» футболчини қўйиб юборишга тайёр.
Шунингдек, «Интер» эҳтимолий трансфер бўйича музокаралар олиб борганлиги ва бразилиялик футболчини қўлга киритиш учун кучли фаворит эканлиги, «Ювентус» эса воқеалар ривожини диққат билан кузатиб бораётгани хабар қилинганди.
