«PSJ» hujumchi Kilian Mbappe bilan shartnomani uzaytirish borasida muzokaralarni davom ettirmoqda. Fransiya klubi hujumchiga keyingi ikki mavsum uchun 150 million yevro to‘lashga tayyor, deya xabar beradi insayder Giyom Balage.

23 yoshli hujumchi «PSJ» va «Real» bilan muzokaralar olib bormoqda. U hali faoliyatini qayerda davom ettirishni hal qilmagan.

Bu yozda Mbappe erkin agentga aylanishi mumkin. U joriy mavsum chempionatda 27 ta o‘yinda maydonga tushib, 17 ta gol va 13 ta golli uzatmani amalga oshirdi. Fransiya chempionati turnir jadvalida parijliklar peshqadamlik qilmoqda.

Chempionlar ligasida «PSJ» 1/8 final bosqichida «Real»ga ikkita o‘yin natijasiga ko‘ra mag‘lub bo‘ldi.