«ПСЖ» ҳужумчи Килиан Мбаппе билан шартномани узайтириш борасида музокараларни давом эттирмоқда. Франция клуби ҳужумчига кейинги икки мавсум учун 150 миллион евро тўлашга тайёр, дея хабар беради инсайдер Гийом Балаге.
23 ёшли ҳужумчи «ПСЖ» ва «Реал» билан музокаралар олиб бормоқда. У ҳали фаолиятини қаерда давом эттиришни ҳал қилмаган.
Бу ёзда Мбаппе эркин агентга айланиши мумкин. У жорий мавсум чемпионатда 27 та ўйинда майдонга тушиб, 17 та гол ва 13 та голли узатмани амалга оширди. Франция чемпионати турнир жадвалида парижликлар пешқадамлик қилмоқда.
Чемпионлар лигасида «ПСЖ» 1/8 финал босқичида «Реал»га иккита ўйин натижасига кўра мағлуб бўлди.
