«Ayaks» himoyachisi Nusser Mazraui «Bavariya» bilan dastlabki shartnoma imzolashga tayyor, deya xabar beradi jurnalist Kristian Falk.

Oldinroq «Barselona» ham himoyachiga shartnoma taklif qilgani, biroq kataloniyaliklar futbolchi uchun atigi 5 million yevro maosh to‘lay olishi xabar qilingandi. Holbuki, «Bavariya» futbolchiga deyarli ikki barobar ko‘proq pul to‘lashga tayyor.

2021/22 yilgi mavsumda Mazraui «Ayaks» tarkibida 30 ta o‘yinda maydonga tushib, 5 ta gol va 4 ta golli uzatmani amalga oshirgan. 24 yoshli marokashlik futbolchining Gollandiya klubi bilan shartnomasi 2022 yilning iyun oyi oxirigacha amal qiladi.