«Аякс» ҳимоячиси Нуссер Мазрауи «Бавария» билан дастлабки шартнома имзолашга тайёр, дея хабар беради журналист Кристиан Фальк.

Олдинроқ «Барселона» ҳам ҳимоячига шартнома таклиф қилгани, бироқ каталонияликлар футболчи учун атиги 5 миллион евро маош тўлай олиши хабар қилинганди. Ҳолбуки, «Бавария» футболчига деярли икки баробар кўпроқ пул тўлашга тайёр.

2021/22 йилги мавсумда Мазрауи «Аякс» таркибида 30 та ўйинда майдонга тушиб, 5 та гол ва 4 та голли узатмани амалга оширган. 24 ёшли марокашлик футболчининг Голландия клуби билан шартномаси 2022 йилнинг июнь ойи охиригача амал қилади.