Afsonaviy "Ilohiy qo‘l"ning o‘g‘li - Diyego Armando Maradona Junior Radio Kiss Kiss radiokanaliga taklif qilindi va u Italiya chempionatini kuzatib borishini hamda otasining sobiq klubi - «Napoli»ga omad tilashini aytdi.

- Men chempionatning birinchi kunidanoq "Napoli" bu mavsumda Skudettoni qo‘lga kiritishiga ishonaman va ishonishda davom etaman. Bu Spalettining yili bo‘lishi mumkin. «Napoli» hozir juda yetuk ko‘rinmoqda. Jamoa har qanday raqibga moslashadi, jamoa irodali fazilatlarni namoyon etadi, bularning barchasi nihoyatda muhim. Ishonchim komilki, otam ham hozir «Napoli»ga muxlislik qilmoqda. Sarri jamoani boshqargan yillarda men otamdan «Napoli»ning g‘alabalari haqida tez-tez so‘rardim, o‘shanda ham Sarri Skudettoni qo‘lga kiritishni takrorlashi mumkinligiga ishonchi komil edi", - deb eslaydi Maradonaning o‘g‘li.