Афсонавий "Илоҳий қўл"нинг ўғли - Диего Армандо Марадона Жуниор Radio Kiss Kiss радиоканалига таклиф қилинди ва у Италия чемпионатини кузатиб боришини ҳамда отасининг собиқ клуби - «Наполи»га омад тилашини айтди.
- Мен чемпионатнинг биринчи куниданоқ "Наполи" бу мавсумда Скудеттони қўлга киритишига ишонаман ва ишонишда давом этаман. Бу Спалеттининг йили бўлиши мумкин. «Наполи» ҳозир жуда етук кўринмоқда. Жамоа ҳар қандай рақибга мослашади, жамоа иродали фазилатларни намоён этади, буларнинг барчаси ниҳоятда муҳим. Ишончим комилки, отам ҳам ҳозир «Наполи»га мухлислик қилмоқда. Сарри жамоани бошқарган йилларда мен отамдан «Наполи»нинг ғалабалари ҳақида тез-тез сўрардим, ўшанда ҳам Сарри Скудеттони қўлга киритишни такрорлаши мумкинлигига ишончи комил эди", - деб эслайди Марадонанинг ўғли.
