«Liverpul» hujumchisi Muhammad Saloh faoliyatini shu yerda davom ettirishi mumkin.
Britaniyaning Daily Mirror nashri xabariga ko‘ra, mersisaydliklar o‘z futbolchisiga haftasiga 480 ming yevro maoshni o‘z ichiga olgan yangi shartnoma taklif qilgan.
Salohning «Liverpul» bilan amaldagi bitimi 2022/23 yilgi mavsum oxirida yakuniga yetadi. Avvalroq misrlik bir necha bor klubning shartnomani uzaytirish taklifini rad etgan edi.
Manbaga ko‘ra, 480 ming yevrolik yangi maosh taklifi futbolchini «Enfild»da qolishga ko‘ndira oladi. Eslatib o‘tamiz, avvalroq misrlik futbolchi «Barselona»ga o‘tishi mumkinligi haqida xabar qilingan edi.
