«Ливерпуль» ҳужумчиси Муҳаммад Салоҳ фаолиятини шу ерда давом эттириши мумкин.
Британиянинг Daily Mirror нашри хабарига кўра, мерсисайдликлар ўз футболчисига ҳафтасига 480 минг евро маошни ўз ичига олган янги шартнома таклиф қилган.
Салоҳнинг «Ливерпуль» билан амалдаги битими 2022/23 йилги мавсум охирида якунига етади. Аввалроқ мисрлик бир неча бор клубнинг шартномани узайтириш таклифини рад этган эди.
Манбага кўра, 480 минг евролик янги маош таклифи футболчини «Энфилд»да қолишга кўндира олади. Эслатиб ўтамиз, аввалроқ мисрлик футболчи «Барселона»га ўтиши мумкинлиги ҳақида хабар қилинган эди.
