"Bavariya" hujumchisi Serj Gnabriga Yevropaning bir qancha klublari qiziqmoqda, deya xabar beradi Fijaches.

Manbaning xabariga ko‘ra, "Yuventus" 26 yoshli futbolchini sotib olmoqchi. Hujumchi, shuningdek, "Real Madrid" va "Liverpul"ning kuzatuvida bo‘lib turibdi.

Oldinroq "Bavariya" Gnabri bilan shartnomani uzaytirish borasida muzokaralar olib borayotgani haqida xabar berilgandi.

Nemis futbolchisining klub bilan amaldagi shartnomasi 2023 yilning yoziga qadar tuzilgan.

Gnabri joriy mavsumda "Bavariya" safida barcha turnirlar doirasida 38 ta o‘yinda maydonga tushib, 14 ta gol urdi va 10 ta golli uzatmani amalga oshirdi.