"Бавария" ҳужумчиси Серж Гнабрига Европанинг бир қанча клублари қизиқмоқда, дея хабар беради Fijaches.
Манбанинг хабарига кўра, "Ювентус" 26 ёшли футболчини сотиб олмоқчи. Ҳужумчи, шунингдек, "Реал Мадрид" ва "Ливерпул"нинг кузатувида бўлиб турибди.
Олдинроқ "Бавария" Гнабри билан шартномани узайтириш борасида музокаралар олиб бораётгани ҳақида хабар берилганди.
Немис футболчисининг клуб билан амалдаги шартномаси 2023 йилнинг ёзига қадар тузилган.
Гнабри жорий мавсумда "Бавария" сафида барча турнирлар доирасида 38 та ўйинда майдонга тушиб, 14 та гол урди ва 10 та голли узатмани амалга оширди.
