«Barselona» himoyachisi Jerar Pikega chap oyog‘ining bo‘g‘imlarida tendinopatiyasi tashxisi qo‘yildi. Bu haqda Kataloniya klubi matbuot xizmati xabar berdi. Futbolchining tiklanish vaqti haqida hech qanday ma’lumot yo‘q.
«Barselona» himoyachisi Jerar Pike Frankfurtning «Ayntraxt» jamoasiga (1:1) qarshi Yevropa ligasi 1/4 final uchrashuvida jarohat oldi. U birinchi bo‘lim o‘rtalarida almashtirildi.
Himoyachi maydonda sirpanib ketdi va uchrashuvni davom ettira olmadi.
35 yoshli himoyachi joriy mavsumda «Barselona» safida 38 ta o‘yinda maydonga tushib, 3 ta gol urishga erishdi.
