«Everton» bosh murabbiyi Frenk Lempard «Manchester Yunayted»ga qarshi o‘yindan so‘ng intervyu berdi. «Everton» «Manchester Yunayted»ni 1:0 hisobida mag‘lub etdi.

«Bu juda yaxshi o‘yin bo‘ldi. Katta g‘alaba, muhim kun. Biz jangovarlik va ruhiy ustunlik namoyish etdik.

Buni yana bir necha marta takrorlashimiz kerak. Agar shunday davom etsak, barchasi yaxshi ko‘rinish oladi. 

Men yoshlarga imkon berishni yaxshi ko‘raman, lekin ayni paytda ma’lum bir muvozanatni qidiryapman.

Yosh o‘yinchilar o‘z o‘rniga ega bo‘lsa ajoyib. Pikfordni ham qadrlash kerak, u ajoyib seyv qildi. U jamoada birinchi raqamli o‘yinchi nomiga munosib», — deydi Lempard.