Bugun «Manchester Yunayted» jamoasi «Everton»ga 1:0 hisobida mag‘lub bo‘ldi. Bosh murabbiy Ralf Rangnik qo‘l ostida «qizil iblislar» Premyer-ligadagi o‘yinlarning atigi 47 foizida g‘alaba qozonishgan. O‘tgan yilning noyabr oyi oxirida «Trafford»ga yo‘l olgan nemis futbolchisi Premyer-ligada 17 ta o‘yin o‘tkazib, bor-yo‘g‘i 8 marta g‘alaba qozongan. Bu esa 47 foizni tashkil etadi. Ushbu natija «Manchester Yunayted»ni boshqargan barcha murabbiylar orasida eng yomoni hisoblanadi.
Eslatib o‘tamiz, Rangnikning «Yunayted» bilan shartnomasi mavsum oxirigacha amal qiladi, shundan so‘ng u maslahatchi lavozimini egallashi kerak.
