FIFA prezidenti o‘yin vaqtini oshirish mumkinligi haqida gapirdi.
Avvalroq Xalqaro futbol federasiyasi o‘yinlardagi to‘xtalish vaqtini oshirishi va bu o‘zgarishlarni JCH-2022 da sinab ko‘rishi mumkinligi xabar qilingandi.
«Qoidalarga hech qanday yangi o‘zgartirish kiritilmaydi, lekin qoidalarni isloh qilish kerak», - deydi Janni Infantino Jahon chempionatidagi 100 daqiqalik o‘yinlar haqida.
«To‘g‘risini aytsam, o‘yinlar qancha davom etishi haqida o‘ylashimiz kerak, chunki o‘yin davomida ko‘p vaqt yo‘qotiladi.
O‘yin davomida yo‘qotilgan vaqtni hisobga olish kerak», - deya qo‘shimcha qiladi FIFA rahbari.
