Turinning «Yuventus» klubi bosh murabbiyi Massimiliano Allegri «Kalyari» jamoasiga (2:1) qarshi o‘yindan so‘ng o‘z fikrlarini bildirib o‘tdi.

«Men mag‘lubiyatni yoqtirmayman, shuning uchun g‘alabalardan keyin yaxshi o‘ynay olmaganim uchun tanqid qilishlarini afzal ko‘raman. O‘tgan yakshanba kuni qanday o‘ynaganimizni hech kim eslay olmaydi, faqat o‘sha «Inter» Skudetto uchun kurashishda davom etayotganini gapirishadi.

Qizig‘i shundaki, siz, jurnalistlar, har doim chiroyli o‘ynashni talab qilasiz, lekin o‘zingiz birinchi bo‘lib faqat natija haqida gapirasiz. «Vilyarreal» bilan o‘yinning 75-daqiqasigacha (0:3) hamma «Yuventus»ning o‘yinini maqtashini aytishdi, ammo turnirdan chiqib ketishimiz bilan o‘yinimizni halokatli deb atadi. Bu bema’nilik, chunki o‘yin emas, faqat natija o‘zgardi.

Men tanqidni tinglashni yaxshi ko‘raman, lekin ba’zilar buni biroz haddan oshirib yuborishadi va bu meni jahlimni chiqaradi.

Gap nafaqat «Yuventus»da, balki umuman futbolda. Umid qilamanki, kelajakda odamlar o‘yinning asoslarini muhokama qilishga qaytadilar: o‘yinchi to‘pni qanday qabul qiladi, u himoyachini qanday aldab o‘tadi va hokazo. Italiya 4 marta Jahon chempionatida g‘olib chiqdi va o‘ziga xos uslubga ega, biroq so‘nggi 15 yil davomida biz Pep Gvardiolaning uslubiga amal qildik va uning o‘zgarganini sezmadik”, - dedi Allegri DAZN nashriga.