«Milan» klubi yarim himoyachi Braim Dias uchun «Real»ga shartnomadagi summani to‘lamoqchi emas, deb xabar beradi Calciomercato.

Manbaga ko‘ra, Madrid klubi 22 million yevro va undan ko‘proq takliflarni tinglashga tayyor. Dias «Milan»da qolishni istamoqda, ammo klub rahbariyati bu summa juda katta, shuning uchun u Madridga qaytishiga to‘g‘ri kelishi mumkin deb hisoblamoqda.

22 yoshli futbolchi «Milan»da 2021 yilning yozidan beri ijarada o‘ynamoqda va shartnoma 2023 yilgacha amal qiladi.

Dias joriy mavsumda barcha turnirlarda 35 ta o‘yinda maydonga tushib, 4 ta gol va 4 ta golli uzatmani amalga oshirdi.