«Bavariya» hujumchisi Robert Levandovski «Barselona» bilan kelishuvga erishdi. Bu haqda SportINTERIA jurnalisti Sebastyan Stashevski hujumchi atrofidagilardan olingan ma’lumotlarga asoslanib xabar berdi.
Stashevskining so‘zlariga ko‘ra, Levandovski «Barselona» bilan 3 yillik shartnoma imzolashga rozi bo‘lgan. Qayd etilishicha, 33 yoshli polyakga yana uchta aniq taklif bo‘lgan: «PSJ», «Manchester Siti» va «Liverpul».
Levandovskining «Bavariya» bilan shartnomasi 2023 yilning yoziga qadar amal qiladi. 2021/22 yilgi mavsumda Robert Myunxen klubi safida 40 ta uchrashuvda 46 ta gol urgan.
