Italiya terma jamoasi bosh murabbiyi Roberto Manchinidan Jahon chempionati yo‘llanmasi uchun kurashdan chiqqani haqida fikr bildirdi.
Mart oyida Italiya terma jamoasi o‘z uyida Shimoliy Makedoniyaga yutqazib (0:1) Qatarda bo‘lib o‘tadigan JCH-2022ga chiqish imkoniyatidan mahrum bo‘ldi.
«Sport g‘alaba va mag‘lubiyatlardan iborat. Biz hali ham amaldagi Yevropa chempionimiz va keyingi ikki yil davomida shu maqomni ushlab turamiz. Bu juda muhim.
Futbolda ba’zida qiyin vaziyatlarga duch kelishga to‘g‘ri keladi. Bunga munosib javob berish uchun o‘zimizda kuch topishimiz kerak. Bu biz erishgan g‘alabalardan ko‘ra ko‘proq muvaffaqiyatlarga olib keladigan o‘ziga xos his-tuyg‘ularni keltirib chiqarishi mumkin", dedi italiyalik mutaxassis.