Osiyo Chempionlari Ligasining guruh bosqichi 2-tur doirasida bo‘lib o‘tgan "Al-Vihdat" va "Nasaf" (0:2) jamoalari o‘rtasidagi uchrashuv yakuniga yetgach, qarshiliklar bosh murabbiyi Ro‘ziqul Berdiyev matbuot anjumanida ishtirok etdi.
- "O‘yinda ikki xil bo‘limlarni ko‘rdik. Biz faqatgina ikkinchi bo‘limga kelib o‘z o‘yinimizni ko‘rsata oldik. Raqiblar to‘p bilan yaxshi muomala qilishlarini bilardik, shuning uchun himoyadan yaxshi chiqishimiz talab etilardi. O‘ylaymanki, biz bu ishni bajara oldik. G‘alabamizning asosiy omillaridan biri shu bo‘ldiki - ikkinchi bo‘limda raqib jamoaning charchadi. Barcha muxlislarimizni g‘alaba bilan tabriklaymiz.
- Ayni paytda "Nasaf" guruhda birinchi o‘rinni egallab turibdi. Birozdan so‘ng, guruhning yana bir juftligi o‘rtasidagi bahs boshlanadi. Ana shu uchrashuvda durang natija qayd etilishini xohlaysizmi yoki qaysidir jamoa yutishinimi?
- Bilmadim (kuladi). Albatta, bu uchrashuv endi boshlanyapti. Hali hech narsa hal bo‘lgani yo‘q. Chunki, oldinda yana 4-5 ta o‘yin bor. Shuning uchun hamma narsa o‘zgarib ketishi mumkin" - dedi Berdiyev.
