Осиё Чемпионлари Лигасининг гуруҳ босқичи 2-тур доирасида бўлиб ўтган "Ал-Виҳдат" ва "Насаф" (0:2) жамоалари ўртасидаги учрашув якунига етгач, қаршиликлар бош мураббийи Рўзиқул Бердиев матбуот анжуманида иштирок этди.

- "Ўйинда икки хил бўлимларни кўрдик. Биз фақатгина иккинчи бўлимга келиб ўз ўйинимизни кўрсата олдик. Рақиблар тўп билан яхши муомала қилишларини билардик, шунинг учун ҳимоядан яхши чиқишимиз талаб этиларди. Ўйлайманки, биз бу ишни бажара олдик. Ғалабамизнинг асосий омилларидан бири шу бўлдики - иккинчи бўлимда рақиб жамоанинг чарчади. Барча мухлисларимизни ғалаба билан табриклаймиз.

- Айни пайтда "Насаф" гуруҳда биринчи ўринни эгаллаб турибди. Бироздан сўнг, гуруҳнинг яна бир жуфтлиги ўртасидаги баҳс бошланади. Ана шу учрашувда дуранг натижа қайд этилишини хоҳлайсизми ёки қайсидир жамоа ютишиними?

- Билмадим (кулади). Албатта, бу учрашув энди бошланяпти. Ҳали ҳеч нарса ҳал бўлгани йўқ. Чунки, олдинда яна 4-5 та ўйин бор. Шунинг учун ҳамма нарса ўзгариб кетиши мумкин" - деди Бердиев.