1996-1997 yilgi mavsum Chempionlar ligasi finalidagi mag‘lubiyat «Yuventus» muxlislari qalbida hamon alam bilan aks-sado beradi.
O‘shanda Marchelo Lippining shogirdlari Dortmundning «Borussiya» jamoasiga mag‘lub bo‘lishgandi. "Borussiya" mustahkam jamoa edi, ammo ular favoritga o‘xshamasdi. Biroq, hal qiluvchi bahsda turinliklarga hech qanday imkoniyat qoldirmadi. Ridlening ikkita va Rikkenning bitta goliga turinliklar Del Pyeroning birgina goli bilan javob berishdi.
Lippi uchun bu muvaffaqiyatsizlikni eslash haligacha alam qiladi, chunki «Yuventus» oxirgi marta Chempionlar ligasida g‘alaba qozonganiga chorak asrdan ko‘proq vaqt o‘tgandi.
Yaqinda La Gazzetta Dello Sport nashri Lippidan intervyu olayotganida, undan ushbu o‘yin haqida so‘rashdi. Lippi achchiq jilmayib qo‘ydi va bunga javoban bir og‘iz so‘z aytmay, orqasiga o‘girilib ketdi.
