«Chelsi»ning ispaniyalik himoyachisi Sesar Aspilikueta koronavirus uchun salbiy testdan o‘tdi va «Real» bilan javob o‘yinida London jamoasiga yordam bera oladi.
Bu haqda jurnalistlarga «ko‘klar» ustozi Tomas Tuxel aytib o‘tdi. Nemis mutaxassisining ta’kidlashicha, Aspilikueta koronavirus uchun ikkita salbiy testdan o‘tgan va «Real» bilan chorak final javob o‘yinida maydonga tushishi mumkin. Shuningdek, Tuxel Romelu Lukaku va Ross Barkli londonliklarga yordam bermasligini qo‘shimcha qildi.
Eslatib o‘tamiz, madridliklar birinchi o‘yinda «Chelsi»ni ishonchli 3:1 hisobida mag‘lub etgandi. Javob o‘yini bugun Toshkent vaqti bilan 00.00da bo‘lib o‘tadi.
