«Tottenxem» yozda «Lester»ning belgiyalik yarim himoyachisi Yuri Tilemansni qo‘lga kiritish uchun kurashmoqchi.

Calciomercato xabariga ko‘ra, London jamoasi 24 yoshli yarim himoyachini yozgi transfer oynasida o‘z safiga qo‘shib olmoqchi, uning xizmatlariga «Arsenal» va «Liverpul» ham qiziqish bildirmoqda. Tilemansning o‘zi «Lester»ni tark etishga qarshi emas, chunki u Chempionlar ligasida o‘ynashni xohlaydi.

Eslatib o‘tamiz, joriy mavsum Yuri Angliya chempionatida 24 ta uchrashuv o‘tkazib, 6 ta gol va ikkita golga assistentlik qildi.