«Тоттенхэм» ёзда «Лестер»нинг бельгиялик ярим ҳимоячиси Юри Тилемансни қўлга киритиш учун курашмоқчи.
Calciomercato хабарига кўра, Лондон жамоаси 24 ёшли ярим ҳимоячини ёзги трансфер ойнасида ўз сафига қўшиб олмоқчи, унинг хизматларига «Арсенал» ва «Ливерпуль» ҳам қизиқиш билдирмоқда. Тилеманснинг ўзи «Лестер»ни тарк этишга қарши эмас, чунки у Чемпионлар лигасида ўйнашни хоҳлайди.
Эслатиб ўтамиз, жорий мавсум Юри Англия чемпионатида 24 та учрашув ўтказиб, 6 та гол ва иккита голга ассистентлик қилди.
