«Barselona» hujumchisi Lyuk De Yong faoliyatini «Barselona»da davom ettirishni xohlashini aytdi, ammo ko‘p narsa unga bog‘liq emas.
«Mavsumdan so‘ng turli variantlarimni ko‘rib chiqaman. O‘ylaymanki, har bir futbolchi «Barselona»da qolishni afzal ko‘rishini aytadi. Ammo bu menga bog‘liq emas», deydi futbolchi Ziggo Sport nashriga bergan intervyusida.
Oldinroq De Yong yozgi mavsumda transferga qo‘yilishi haqida xabarlar tarqalgan edi. Ammo gollandiyalikning so‘nggi natijalari Kataloniya klubi rahbarlarini bu haqda o‘ylashga majbur qildi.
O‘tgan yakshanba kuni gollandiyalik futbolchi «Levante» darvozasiga g‘alaba keltiruvchi golni urib, jamoasiga yordamga keldi. Hozirgacha u Kataloniya grandi safida La Liganing 16 uchrashuvida 6 ta gol urdi va jamoasiga 6 ochko keltirdi.
