«Барселона» ҳужумчиси Люк Де Йонг фаолиятини «Барселона»да давом эттиришни хоҳлашини айтди, аммо кўп нарса унга боғлиқ эмас.
«Мавсумдан сўнг турли вариантларимни кўриб чиқаман. Ўйлайманки, ҳар бир футболчи «Барселона»да қолишни афзал кўришини айтади. Аммо бу менга боғлиқ эмас», дейди футболчи Ziggo Sport нашрига берган интервьюсида.
Олдинроқ Де Йонг ёзги мавсумда трансферга қўйилиши ҳақида хабарлар тарқалган эди. Аммо голландияликнинг сўнгги натижалари Каталония клуби раҳбарларини бу ҳақда ўйлашга мажбур қилди.
Ўтган якшанба куни голландиялик футболчи «Леванте» дарвозасига ғалаба келтирувчи голни уриб, жамоасига ёрдамга келди. Ҳозиргача у Каталония гранди сафида Ла Лиганинг 16 учрашувида 6 та гол урди ва жамоасига 6 очко келтирди.
