«Milan» yozgi transfer mavsumida «Sassuolo» yarim himoyachisi Domeniko Berardini o‘z safiga qo‘shib olishi mumkin. Calciomercato nashri xabariga ko‘ra, klublar futbolchining transferi bo‘yicha uchrashuv belgilashgan va u yaqin orada bo‘lib o‘tishi kerak.

Milanliklar futbolchini anchadan buyon kuzatib kelishgan, biroq uzoq yillardan buyon turli sabablarga ko‘ra transferni amalga oshirishga qurbi yetmagan. Xabar qilinishicha, bu safar ham kelishuv amalga oshmay qolishi mumkin, chunki «rossonerilar» «Sassuolo» belgilagan 30 million yevrolik narxni to‘lay olmasligi mumkin.

Joriy mavsumda Berardi Italiya chempionatida 14 ta gol va 11 ta golli uzatmani amalga oshirdi. Avgust oyida futbolchi 28 yoshga to‘ladi.