«Milan»ning sobiq o‘ng qanot himoyachisi Kafu «rossonerilar»ga bu mavsumda yetakchi yetishmayotganini aytdi. Braziliyalik futbolchi ketma-ket ikkita golsiz durangdan so‘ng shunday xulosaga keldi. Milan klubi o‘tgan turlarda «Bolonya» va «Torino» klublarini mag‘lub eta olmadi.

«Ularga yetakchi yetishmayapti. Hammani Skudettoni yutib olishga qodir ekaniga ishontira oladigan odam «Milan»da yo‘q. Klubning hozir to‘xtashga haqqi yo‘q, chunki bu holda ular tezda jadvalning yuqori qismidan tushib ketishadi», - deya Kafu so‘zlaridan iqtibos keltiradi Football Italia.

Ayni damda «Milan» Italiya chempionati turnir jadvalida peshqadamlik qilmoqda. Ulardan ortda borayotgan «Inter»da bitta zahira o‘yin bor. G‘alaba qozongan taqdirda, «neradzurrilar» birinchi o‘ringa ko‘tarilib oishadi.