«Милан»нинг собиқ ўнг қанот ҳимоячиси Кафу «россонерилар»га бу мавсумда етакчи етишмаётганини айтди. Бразилиялик футболчи кетма-кет иккита голсиз дурангдан сўнг шундай хулосага келди. Милан клуби ўтган турларда «Болонья» ва «Торино» клубларини мағлуб эта олмади.

«Уларга етакчи етишмаяпти. Ҳаммани Скудеттони ютиб олишга қодир эканига ишонтира оладиган одам «Милан»да йўқ. Клубнинг ҳозир тўхташга ҳаққи йўқ, чунки бу ҳолда улар тезда жадвалнинг юқори қисмидан тушиб кетишади», - дея Кафу сўзларидан иқтибос келтиради Football Italia.

Айни дамда «Милан» Италия чемпионати турнир жадвалида пешқадамлик қилмоқда. Улардан ортда бораётган «Интер»да битта заҳира ўйин бор. Ғалаба қозонган тақдирда, «нерадзуррилар» биринчи ўринга кўтарилиб оишади.