«Manchester Siti» bosh murabbiyi Xosep Gvardiola «Atletiko»ga qarshi Chempionlar ligasi 1/4 final javob o‘yini oldidan o‘z fikrlarini bildirdi.
"O‘tgan haftadagidan boshqacha o‘yin bo‘ladi. Ular o‘z uylarida, o‘z muxlislari tomonidan qo‘llab-quvvatlanmoqda. O‘z stadionida ular muammo tug‘diradi, yaxshi himoyalanishadi va hujum qilishadi. O‘tgan haftaga nisbatan ular ko‘proq vaziyatga ega bo‘lishadi. Biz o‘yinga moslashishimiz kerak. Agar yutqazishni boshlasak, o‘zimizga kerakli bo‘lgan hisobni qo‘lga kiritish uchun qo‘limizdan kelganini qilamiz. Agar hisobda oldinga chiqib olsak, ehtimol biroz chuqurroq himoyaga o‘tarmiz”, - dedi UYEFA rasmiy saytiga.
