Jahon chempioni Luka Toni “Milan” hujumchisi Zlatan Ibrahimovich haqida fikr bildirdi. "Fiorentina"ning sobiq futbolchisi "rossoneri" forvardi o‘z kelajagini tanlash huquqini qo‘lga kiritdi, deb hisoblaydi.
"Ibragimovich va "Milan" o‘rtasidagi munosabatlarda yakuniy qaror Zlatanda bo‘lishiga umid qilaman. U chempion va nima qilishni tanlashga loyiq. U o‘zining xizmatlarini hisobga olgan holda bu vaziyatda qahramon bo‘lishga loyiqdir.
Men Zlatanga imkon qadar o‘ynashda davom etishni maslahat bergan bo‘lardim. Ammo agar u o‘zining eng yaxshi formasini ko‘rsata olmasa, unda tugatishga arziydi. Zlatan kabi o‘yinchi har doim eng yaxshi bo‘lishi kerak", - deya La Gazzetta dello Sport iqtibos keltiradi.
Avvalroq, Milan klubi Italiya chempionligini qo‘lga kiritsa, Ibragimovich faoliyatini yakunlashi mumkinligi haqida xabarlar tarqalgan edi.
2021/22 yilgi mavsumda forvard “Milan” safida 23 ta o‘yin o‘tkazib, 8 ta gol urgan.
A Seriyaning 32-turidan keyin "Milan" klubi 68 ochko bilan turnir jadvalida birinchi o‘rinda bormoqda.
