Жаҳон чемпиони Лука Тони “Милан” ҳужумчиси Златан Ибраҳимович ҳақида фикр билдирди. "Фиорентина"нинг собиқ футболчиси "россонери" форварди ўз келажагини танлаш ҳуқуқини қўлга киритди, деб ҳисоблайди.

"Ибрагимович ва "Милан" ўртасидаги муносабатларда якуний қарор Златанда бўлишига умид қиламан. У чемпион ва нима қилишни танлашга лойиқ. У ўзининг хизматларини ҳисобга олган ҳолда бу вазиятда қаҳрамон бўлишга лойиқдир.

Мен Златанга имкон қадар ўйнашда давом этишни маслаҳат берган бўлардим. Аммо агар у ўзининг энг яхши формасини кўрсата олмаса, унда тугатишга арзийди. Златан каби ўйинчи ҳар доим энг яхши бўлиши керак", - дея  La Gazzetta dello Sport иқтибос келтиради.

Аввалроқ, Милан клуби Италия чемпионлигини қўлга киритса, Ибрагимович фаолиятини якунлаши мумкинлиги ҳақида хабарлар тарқалган эди.

2021/22 йилги мавсумда форвард “Милан” сафида 23 та ўйин ўтказиб, 8 та гол урган.

А Сериянинг 32-туридан кейин "Милан" клуби 68 очко билан турнир жадвалида биринчи ўринда бормоқда.