Turinliklar rasmiy sayti xabariga ko‘ra, "Yuventus" yarim himoyachisi Artur o‘ng to‘pig‘idan jarohat olgan. Yarim himoyachi kechagi jamoa mashg‘ulotlarida shikastlangan.
Ma’lumotlarga ko‘ra, Artur 16 aprel kuni "Bolonya"ga qarshi Italiya chempionati 33-tur uchrashuvini o‘tkazib yuborishi mumkin. Futbolchining tiklanish vaqti haqida ma’lumot berilmagan.
Joriy mavsumda braziliyalik futbolchi "Yuventus" tarkibida 28 ta o‘yin o‘tkazib, bitta golga assistentlik qilgan. 25 yoshli yarim himoyachining turinliklar bilan tuzgan shartnomasi 2025 yilning iyunida yakuniga yetadi.
