O‘zbekiston kubogi guruh bosqichi 2-turidan o‘rin olgan "Neftchi" - "Qizilqum" o‘yinidan so‘ng (0:1) mehmonlar bosh murabbiyi Nikola Lazarevich o‘z fikrlari bilan o‘rtoqlashdi.
"O‘zbekiston kubogida o‘yin amaliyoti kam futbolchilarga ishonch bildiryapmiz. Imkoniyat bermoqdamiz. Bugungi o‘yin qiyin o‘tishini kutgandik. O‘yinga jiddiy tayyorlandik. Raqib zonasida to‘pni yaxshi nazorat qildik. Vaziyatlar yaratdik. Bunday o‘yinlarda bitta gol ko‘p narsani hal qilib ketadi", - deydi Lazarevich.
- G‘alaba bilan tabriklaymiz. Chempionatdagi va kubokdagi o‘yinni qanday solishtira olasiz?
- "Neftchi" bilan chempionatda o‘ynaganimizda raqib boshqa sxemada o‘ynagandi. Bugun boshqacha taktikada harakat qildi. O‘ylaymanki, yigitlar borlarini berishdi.
- "Qizilqum" chempionatni yaxshi boshladi. Mavsum yakuniga qadar xuddi shu tempda davom etadimi?
- Mening fikrim, biz qadam va qadam oldinga qarab intilib boramiz. Yigitlar oxirigacha kurashishadi. Superliga jiddiy musobaqa, kuchli jamoalar yig‘ilgan. Bizda bosim yo‘q. Oldinda bizni yanada qiyin o‘yinlar kutmoqda.
