Ўзбекистон кубоги гуруҳ босқичи 2-туридан ўрин олган "Нефтчи" - "Қизилқум" ўйинидан сўнг (0:1) меҳмонлар бош мураббийи Никола Лазаревич ўз фикрлари билан ўртоқлашди.

"Ўзбекистон кубогида ўйин амалиёти кам футболчиларга ишонч билдиряпмиз. Имконият бермоқдамиз. Бугунги ўйин қийин ўтишини кутгандик. Ўйинга жиддий тайёрландик. Рақиб зонасида тўпни яхши назорат қилдик. Вазиятлар яратдик. Бундай ўйинларда битта гол кўп нарсани ҳал қилиб кетади", - дейди Лазаревич.

- Ғалаба билан табриклаймиз. Чемпионатдаги ва кубокдаги ўйинни қандай солиштира оласиз?

- "Нефтчи" билан чемпионатда ўйнаганимизда рақиб бошқа схемада ўйнаганди. Бугун бошқача тактикада ҳаракат қилди. Ўйлайманки, йигитлар борларини беришди.

- "Қизилқум" чемпионатни яхши бошлади. Мавсум якунига қадар худди шу темпда давом этадими?

- Менинг фикрим, биз қадам ва қадам олдинга қараб интилиб борамиз. Йигитлар охиригача курашишади. Суперлига жиддий мусобақа, кучли жамоалар йиғилган. Бизда босим йўқ. Олдинда бизни янада қийин ўйинлар кутмоқда.