“Tottenxem” hujumchisi Xarri Keyn, hatto foydali taklif tushsa ham, “Manchester Yunayted”ga o‘tishdan bosh tortadi. O‘tgan yozda angliyalik hujumchi Manchesterga o‘tishiga bir necha qadam qolgandi, biroq "shporlar" rahbari Deniel Levi o‘z jamoasi asosiy hujumchisini "Siti"ga qo‘yib yubormagandi. Keyn juda xafa bo‘ldi va uning natijasi pasayib keta boshladi. Noyabr oyi London klubiga kelgan Antonio Konte vaziyat o‘nglandi va Xarriga bu jamoaning kelajagi borligini isbotladi.
Daily Mirror nashri xabariga ko‘ra, futbolchi Konte bilan ishlashdan xursand, shuning uchun u Londonda qolish niyatida. Shuningdek, u keyingi mavsumda yana Chempionlar ligasida o‘ynashni istaydi, chunki hozirda "Tottenxem" "Manchester Yunayted"dan olti ochkoga oldinda ketmoqda.
"Manchester Yunayted" Keynni Ronalduga o‘rinbosar sifatida ko‘rdi va ingliz futbolchisini asosiy transfer maqsadi deb hisobladi, ammo asosiy yevrokubokni o‘tkazib yuborish bunday yirik xaridni amalga oshishiga to‘sqinlik qiladi.
Keyn "Man Siti"ga bormaydi, chunki "shaharliklar" 29 yoshli hujumchi uchun katta pul sarflashni istamaydi va Dortmundning "Borussiya" jamoasi to‘purari Erling Xolandni qo‘lga kiritishga harakat qilib ko‘rishadi.
