“Тоттенхэм” ҳужумчиси Харри Кейн, ҳатто фойдали таклиф тушса ҳам, “Манчестер Юнайтед”га ўтишдан бош тортади. Ўтган ёзда англиялик ҳужумчи Манчестерга ўтишига бир неча қадам қолганди, бироқ "шпорлар" раҳбари Дениэль Леви ўз жамоаси асосий ҳужумчисини "Сити"га қўйиб юбормаганди. Кейн жуда хафа бўлди ва унинг натижаси пасайиб кета бошлади. Ноябрь ойи Лондон клубига келган Антонио Конте вазият ўнгланди ва Харрига бу жамоанинг келажаги борлигини исботлади.

Daily Mirror нашри хабарига кўра, футболчи Конте билан ишлашдан хурсанд, шунинг учун у Лондонда қолиш ниятида. Шунингдек, у кейинги мавсумда яна Чемпионлар лигасида ўйнашни истайди, чунки ҳозирда "Тоттенхэм" "Манчестер Юнайтед"дан олти очкога олдинда кетмоқда.

"Манчестер Юнайтед" Кейнни Роналдуга ўринбосар сифатида кўрди ва инглиз футболчисини асосий трансфер мақсади деб ҳисоблади, аммо асосий еврокубокни ўтказиб юбориш бундай йирик харидни амалга ошишига тўсқинлик қилади.

Кейн "Ман Сити"га бормайди, чунки "шаҳарликлар" 29 ёшли ҳужумчи учун катта пул сарфлашни истамайди ва Дортмунднинг "Боруссия" жамоаси тўпурари Эрлинг Холандни қўлга киритишга ҳаракат қилиб кўришади.