"Liverpul" muxlislaridan biri hayotdan ko‘z yumdi. Xabarlarga ko‘ra, mersisaydliklar muxlislaridan biri chorshanba kungi "Benfika"ga qarshi bahs oldidan stadionga tashrif buyurgan.
O‘yin boshlanishiga sanoqli daqiqalar qolganida esa xushidan ketib, kasalxonaga yetkaziladi. U yerda payshanba kuni tongida jon bergan. Bu haqida "Liverpul" klubi matbuot xizmati kotibi ma’lum qildi:
"Klubdagi barcha nomidan muxlislar oilasiga o‘z hamdarligimiz va ta’ziyamizni izhor etamiz. Baxtsiz hodisa paytida jonbozlik ko‘rsatgan tez tibbiy yordam xodimlari, bizning professional shifokorlarimiz hamda barcha yordam berganlarga minnatdorchilik bildiramiz. Muxlisimiz barchaning yuragida abadiy yashaydi".
"Liverpul" chorak finalda "Benfika"ni ikki o‘yin natijasiga ko‘ra, 6-4 hisobida mag‘lub etgandi.
