"Ливерпуль" мухлисларидан бири ҳаётдан кўз юмди. Хабарларга кўра, мерсисайдликлар мухлисларидан бири чоршанба кунги "Бенфика"га қарши баҳс олдидан стадионга ташриф буюрган.
Ўйин бошланишига саноқли дақиқалар қолганида эса хушидан кетиб, касалхонага етказилади. У ерда пайшанба куни тонгида жон берган. Бу ҳақида "Ливерпуль" клуби матбуот хизмати котиби маълум қилди:
"Клубдаги барча номидан мухлислар оиласига ўз ҳамдарлигимиз ва таъзиямизни изҳор этамиз. Бахтсиз ҳодиса пайтида жонбозлик кўрсатган тез тиббий ёрдам ходимлари, бизнинг профессионал шифокорларимиз ҳамда барча ёрдам берганларга миннатдорчилик билдирамиз. Мухлисимиз барчанинг юрагида абадий яшайди".
"Ливерпуль" чорак финалда "Бенфика"ни икки ўйин натижасига кўра, 6-4 ҳисобида мағлуб этганди.
