"Bavariya" "Benfika" hujumchisi Darvin Nunyesni sotib olish uchun katta summa sarflamoqchi.

Fichajes nashri xabariga ko‘ra, nemis klubi yozda 22 yoshli futbolchini sotib olish uchun 80 million yevro to‘lashga tayyor.

Avvalroq, «Benfika» Nunyesni kamida 50 million yevroga sotishi xabar qilingandi.

Urugvaylik hujumchining klub bilan shartnomasi 2025 yilning 30 iyuniga qadar amal qiladi.

Nunyes joriy mavsumda “Benfika” safida barcha turnirlar doirasida 37 o‘yinda 32 ta gol va 3 ta golli uzatmani amalga oshirdi.