OCHL-2022. "E" guruhi 3-tur "Nasaf" - "Al Faysali" uchrashuvida so‘ng "Nasaf" jamoasi bosh murabbiyi Ro‘ziqul Berdiyev matbuot anjumanida ishtirok etib, jurnalistlar savollariga javob berdi.

- "Bitta xatoyimiz mag‘lubiyatga olib keldi, shu xato rejamizni buzdi. Reja bo‘yicha birinchi bo‘limni ehtiyotkor o‘ynab darvozamiz dahlsizligini saqlash edi. Ammo shu yagona xato hammasini o‘zgartirib yubordi.

Biz raqibdan jismoniy holat tomondan kuchliroq edik, buni o‘yinda ham ko‘rsata oldik lekin, ba’zi vaziyatlarda raqib darvozaboni yaxshi harakat qildi, ba’zi vaziyatlarda omad yuz o‘girdi.

Bu jamoa gol urib olib, tartibli o‘ynab, tempni tushirib yutishga o‘rgangan, ba’zi vaziyatlarda jamoa yotib olib vaqt cho‘zdi biroq ular g‘alaba qozondi, bu bilan faqat raqibni tabriklash kerak.

Biz bu jamoa bilan o‘ynab ko‘rdik va keyingi o‘yinda boshqacha harakat qilamiz, umuman hamma jamoalarni kuchini bilamiz. Yigitlarga ham aytdim hamma jamoa bilan o‘ynay olamiz" - deydi Ro‘ziqul Berdiyev

Kecha siz Al Faysalining kuchli va kuchsiz tomonlarini bilaman degan edingiz, o‘yindan keyin qanday fikrga keldingiz?

- O‘ylaymanki "Al Faisaly" o‘yini o‘zgarmaydi, yana shu usulda o‘ynaydi. Ularda Tavares bor va unga uzun paslar uzatish orqali o‘yinni tashkil qiladi." - dedi Berdiyev.