«Real Madrid» bosh murabbiyi «Chelsi»ga qarshi o‘yinda Toni Kroos zaxiraga olinganidan keyin u bilan yuzaga kelgan mojaroga oydinlik kiritdi.
Eslatib o‘tamiz, germaniyalik yarim himoyachi Chempionlar ligasi 1/4 finalining «Chelsi»ga qarshi javob uchrashuvida (2:3) 73-daqiqada Eduardo Kamavinga bilan almashtirilgan edi.
Kroos maydonni tark etar ekan, murabbiyning qaroridan noroziligini ochiq ko‘rsatdi, ammo italiyalik mutaxassisning so‘zlariga ko‘ra, ular o‘rtasida hech qanday ziddiyat yo‘q.
«Uning munosabati meni xafa qilgani yo‘q. U Anchelottidan emas, murabbiy Anchelottidan g‘azablandi. Biz yuzma-yuz gaplashib, hech qanday muammo yo‘qligiga kelishib oldik. Toni nafaqat futbolchi, balki inson sifatida ham yaxshi. O‘yindan keyin hammasi hal bo‘ldi», - dedi Anchelotti.
