«Manchester Yunayted» bosh murabbiyi Ralf Rangnik seshanba kuni «Liverpul»ga qarshi muhim o‘yin arafasida jarohat olgan futbolchilar bilan bog‘liq vaziyat haqida gapirib o‘tdi.
«Umid qilamanki, Rafael Varan bo‘lajak ikki o‘yindan kamida bittasiga tayyor bo‘ladi — «Liverpul» yoki «Arsenal». Ammo qolganlariga kelsak, ular bir necha kun ichida mashg‘ulotga qaytishiga ishonchim komil emas», — dedi nemis mutaxassisi.
Shu tariqa, yarim himoyachilar Fred va Skott Maktominay, hujumchi Edinson Kavani va himoyachi Lyuk Shou «qizillar»ga qarshi o‘yinni o‘tkazib yuborishadi. Bu «qizil iblislar» kuchli 4-o‘rin uchun kurashayotgan paytda og‘ir yo‘qotishlar hisoblanadi.
