«Манчестер Юнайтед» бош мураббийи Ральф Рангник сешанба куни «Ливерпуль»га қарши муҳим ўйин арафасида жароҳат олган футболчилар билан боғлиқ вазият ҳақида гапириб ўтди.

«Умид қиламанки, Рафаэль Варан бўлажак икки ўйиндан камида биттасига тайёр бўлади — «Ливерпуль» ёки «Арсенал». Аммо қолганларига келсак, улар бир неча кун ичида машғулотга қайтишига ишончим комил эмас», — деди немис мутахассиси.

Шу тариқа, ярим ҳимоячилар Фред ва Скотт Мактоминай, ҳужумчи Эдинсон Кавани ва ҳимоячи Люк Шоу «қизиллар»га қарши ўйинни ўтказиб юборишади. Бу «қизил иблислар» кучли 4-ўрин учун курашаётган пайтда оғир йўқотишлар ҳисобланади.