"Sassuolo" yozda hujumchi Janluka Skamakkani sotishga tayyor. Italiya klubi 23 yoshli futbolchi orqali 40-45 million yevro ishlab olmoqchi, deya xabar beradi Calciomercato.
Oldinroq, hujumchiga asosiy da’vogar "Inter" ekani haqida ma’lumotlar paydo bo‘lgandi. Shu bilan birga, “neradzurrilar” narxni pasaytirish maqsadida o‘z futbolchilaridan birini shartnomaga kiritmoqchi.
Joriy mavsumda Skamakka "Sassuolo" safida 33 o‘yinda 13 ta gol urdi va 1 ta golli uzatmani amalga oshirdi.
Hujumchining klub bilan shartnomasi 2025 yilning 30 iyuniga qadar amal qiladi.
