Madridning «Real» klubi darvozaboni Tibo Kurtua Ispaniya chempionatining 32-turidagi «Sevilya»ga (3:2) qarshi o‘yin haqida qikr bildirdi.

«Sevilya» kam gol o‘tkazib yuboradigan jamoa, ammo bugun o‘yinning ikkinchi bo‘limida uchta gol o‘tkazib yubordi. Birinchi gol bizni o‘yinga qaytarishini bilardik va oxirigacha kurashdik. Bu o‘z stadionida har doim mag‘lub bo‘lavermaydigan raqib va biz bu yerda buni uddalaganimiz ko‘p narsani anglatadi. Ikkinchi bo‘limda biz ko‘proq pressing qildik. Birinchi bo‘limda unchalik yaxshi o‘ynamadik, ammo keyin ikkinchi bo‘limni ajoyib o‘tkazdik, 2:2 hisobiga rozi bo‘lmasdik va g‘alaba qozondik», - deya Kurtua so‘zlarini keltirgan klub rasmiy sayti.

Ushbu o‘yindan so‘ng Ispaniya chempionatida 75 ochko bilan «Real» peshqadamlik qilmoqda, «Sevilya» 60 ochko bilan uchinchi o‘rinda bormoqda.