Мадриднинг «Реал» клуби дарвозабони Тибо Куртуа Испания чемпионатининг 32-туридаги «Севилья»га (3:2) қарши ўйин ҳақида қикр билдирди.

«Севилья» кам гол ўтказиб юборадиган жамоа, аммо бугун ўйиннинг иккинчи бўлимида учта гол ўтказиб юборди. Биринчи гол бизни ўйинга қайтаришини билардик ва охиригача курашдик. Бу ўз стадионида ҳар доим мағлуб бўлавермайдиган рақиб ва биз бу ерда буни уддалаганимиз кўп нарсани англатади. Иккинчи бўлимда биз кўпроқ прессинг қилдик. Биринчи бўлимда унчалик яхши ўйнамадик, аммо кейин иккинчи бўлимни ажойиб ўтказдик, 2:2 ҳисобига рози бўлмасдик ва ғалаба қозондик», - дея Куртуа сўзларини келтирган клуб расмий сайти.

Ушбу ўйиндан сўнг Испания чемпионатида 75 очко билан «Реал» пешқадамлик қилмоқда, «Севилья» 60 очко билан учинчи ўринда бормоқда.