«Manchester Yunayted» bosh murabbiyi Ralf Rangnik Angliya premyer-ligasining 30-tur qoldirilgan o‘yini doirasida "Liverpul"ga qarshi bo‘lib o‘tadigan uchrashuvdan oldingi fikrlarini bildirdi.
«Biz ko‘pchilik uchun autsayder bo‘lishimiz mumkin, ammo agar biz yuqori saviyada o‘ynasak, g‘alaba qozonish imkoniyatiga ega bo‘lamiz», - dedi Rangnik BBC bilan suhbatda.
Murabbiy "Manchester Yunayted" "Liverpul"ga qarshi bo‘ladigan o‘yinda uch ochko olishga harakat qilishini qo‘shimcha qildi. Rangnikning ta’kidlashicha, jamoaning so‘nggi natijalariga qaramay, "qizil iblislar" kelasi mavsumda Chempionlar ligasida o‘ynash imkonini beradigan kuchli to‘rtlik uchun kurashmoqda.
"Liverpul" – "Manchester Yunayted" uchrashuvi ertaga, 20 aprel kuni «Enfild Roud» stadionida Toshkent vaqti bilan soat 00:00 da boshlanadi.