«Манчестер Юнайтед» бош мураббийи Ральф Рангник Англия премьер-лигасининг 30-тур қолдирилган ўйини доирасида "Ливерпул"га қарши бўлиб ўтадиган учрашувдан олдинги фикрларини билдирди.

«Биз кўпчилик учун аутсайдер бўлишимиз мумкин, аммо агар биз юқори савияда ўйнасак, ғалаба қозониш имкониятига эга бўламиз», - деди Рангник BBC билан суҳбатда.

Мураббий "Манчестер Юнайтед" "Ливерпул"га қарши бўладиган ўйинда уч очко олишга ҳаракат қилишини қўшимча қилди. Рангникнинг таъкидлашича, жамоанинг сўнгги натижаларига қарамай, "қизил иблислар" келаси мавсумда Чемпионлар лигасида ўйнаш имконини берадиган кучли тўртлик учун курашмоқда.

"Ливерпуль" – "Манчестер Юнайтед" учрашуви эртага, 20 апрель куни «Энфилд Роуд» стадионида Тошкент вақти билан соат 00:00 да бошланади.